सदर गुरुमाउली सेवा भावी संस्थेच्या ह्या उपक्रमाची दखल घेवून.. असंख्य लोक ह्या कार्यास हातभार लावत.. आपले विशेषदिन जसे वाढदिवस वगैरे आश्रमातील आजी आजोबां सोबत साजरे करत.. ‘अन्नदान’..’धनदान’.. ‘श्रमदान’.. ‘वस्त्रदान’ सह विविध माध्यमातून  मदत करत आहेत.. आणि आम्हाला सेवा करण्याची प्रेरणा देत आहे.. अशा सर्व लोकांना आम्ही कृतज्ञतापूर्वक धन्यवाद देतो आहे.. 

यासाठी आपण माऊली वृध्दाश्रमसाठी देणगीदार बनून दर वर्षी वाढदिवस, लग्नाचा वाढदिवस किंवा आपल्या घरातील वाडवडिलांच्या, पुर्वज्यांच्या स्मरणार्थ फक्त एकच दिवस अन्नदान करू शकतात म्हणजे प्रत्येकावर खूप आर्थिक लोड पण येणार नाही. असे ३६५ दिवस बुक झाले की मग आश्रमाचा रोजचा खाण्यापिण्याचा प्रश्न मिटेल. वर्षाचे २५०० ₹ म्हणजे रोज फक्त ६.८४ ₹ आणि ही तर फक्त अर्ध्या चहाची किंमत आहे. असेही आपण रोज सक्षम लोकांना एकतरी चहा पाजतोच की ! यातूनच या आजी आजोबां साठी अर्धा कप आपण बाजूला काढूयात ! या व्यतिरिक्त सेवेकरी पगार, ऍम्ब्युलन्स, औषधे, कपडे, वीजबिल, फोनबिल, प्रशासकीय खर्च, बिल्डिंग मेंटेनन्स, फर्निचर मेंटेनन्स, अकौंटिंग, स्टेशनरी असे बरेच खर्च भागवण्यासाठी पण देणगी लागेल ती पण कशी गोळा करता येईल याचा विचार करू. जे देणगी देऊ शकणार नाहीत ते देणगीदार मिळवून देऊ शकतात किंवा तसेच आश्रमासाठी आठवड्यातून एक तास देऊ शकता किंवा येथील आजी आजोबांसाठी जुने पण सुस्थितीतील कपडे गोळा करू शकता किंवा आपल्या घराच्या परिसरात धान्य फेरी काढू शकता. इच्छा असेल तर असे अनेक मार्गाने आपण आपले योगदान देऊ शकतो. यासाठी नियमित एकत्रच आले पाहिजे असे काही नाही, व्हाट्स अप ग्रुप बनवून नियमित संपर्कात राहू आणि खूपच गरज पडली तर एकत्र देखील येऊ.

हा आश्रम २९/१०/२०१७ रोजी याचे श्री. सुभाष दशरथ वाघुंडे यांनी कुठल्याही सरकारी मदती शिवाय वैयक्तिक ७ लाख कर्ज काढून उभारला असून ते स्वखर्चाने हा आश्रम चालवतात. त्यांच्या पत्नी सौ. कल्पना वाघुंडे आणि त्यांचा मुलगा श्री. शिरीष वाघुंडे बहुतांश आर्थिक भार उचलतात. आश्रमाला काही देणगीदार पण मदत करतात. हा आश्रम एक गुंठा जागेत असून दोन रूम, एक छोटे किचन, बाथरूम, टॉयलेट असा अतिशय दाटीवाटीच्या परिस्थिती मध्ये सध्या चालू आहे. या छोटेखानी जागेत सध्या ५ आजोबा, ६ आज्या, १ किशोरवयीन अनाथ मुलगा आणि ३ पगारी सेवेकरी असे एकूण १५ जण राहतात. आश्रम फुल असून बऱ्याच नवीन येणाऱ्यांना ठेऊन घेता येत नाही. यातील एक एक व्यक्तीची करूण कहाणी ऐकली की आपण माणूस असल्याची लाज वाटते. वेळोवेळी अन्नदान, वस्तू दान, कपडे दान करत असतात. दिवाळीला ताजा फराळ देत असतात. तसेच आश्रमातील सर्वांची मोफत वैद्यकीय तपासणी पण करत असतात. अशा अनेक मार्गाने मदत मिळते आहे, पण ती अजूनही तोकडी पडते. त्यामुळे सदर आश्रमाला मदतीची गरज आहे. यासाठी आपण माऊली वृधाश्रमासाठी देणगीदार बनून दर वर्षी वाढदिवस, लग्नाचा वाढदिवस किंवा आपल्या घरातील वाडवडिलांच्या,पुर्वज्यांच्या स्मरणार्थ अन्नदान करू शकता. म्हणजे प्रत्येकावर खूप आर्थिक लोड पण येणार नाही.